Konparatu Twitterreko lagun batekin idazten duzuenaren arabera

Gero eta erabilera zabalagoa du kurrikulum elektronikoak

Bihurtu ezazu zure Curriculum-a Curriculum infografiko

Naiara Zurinaga My Infographic Resume:

Norberaren ibilbide pertsonalaz infografiko bat sortzeko

My Infographic Resume: Check out my infographic resume created via Vizualize.me. Create yours with one click.

Ikusi zein den zure produkzio-jarduera twitteren eta alderatu beste erabiltzaile batzuekin

Twitterren zure erabilpena beste erabiltzaileekin alderatu ezazu

Unibertsitate Gida Praktikoaren arabera masifikaziorik gutxien duten unibertsitateen artean jarraitzen dute euskal unibertsitateak

Naiara ZURINAGA

Urtero bezala, espainiar estatuko 76 unibertsitateei buruzko informazioa ematen duen gida eguneratu du EROSKI CONSUMER enpresak. Azterketa honen arabera, Euskal Herrian kokatzen dira masifikazio gutxien duten unibertsitateak, irakasleko 8,9 ikasleko batez bestekoarekin, estatu mailan zenbateko hori 12,4koa izanik.

            Euskal Herriko bost unibertsitateek, EHUk, Mondragon Unibertsitateak, Deustuko Unibertsitateak, Nafarroako Unibertsitateak eta Nafarroako Unibertsitate Publikoak, Europako esparruan egokitutako 200 gradutik gora eskaintzen dituzte.

Hala ere, euskal unibertsitateen artean badaude aldeak. EROSKI CONSUMERek egindako azterketaren arabera, EHUk eta Nafarroako Unibertsitateak daukate ikerkuntza jardunik oparoena, izan ere, 2011n euskal unibertsitateetan defendatu diren 572 doktore-tesietatik 503 bi hauetan egin dira.

            Ikerketaren emaitzek adierazi dutenez, administrazio eta zerbitzuetako langileei dagokienez, EHUk berak eta Mondragonek, unibertsitate-sistema osoko apalena jasotzen dute, irakasle bakoitzeko 0,2 eta 0,3ko kopuruekin urrenez urren.

Egun, teknologia berriak oso garrantzitsuak diren aldetik, ordenagailuen hornikuntza ere azterketaren baitan hartu du EROSKI CONSUMER enpresak.  Kasu honetan hobeto hornituta dauden goi mailako hezkuntza zentroak Deustu eta Mondragon unibertsitateak dira, hiru ikasleko ordenagailu batekin.

Ikerketaren arabera, asko dira unibertsitate ikasketak amaitu ondoren hezkuntza osatzea erabakitzen duten ikasleak. Estatuan, 2.564 master ofizial eskaintzen dituzte 76 unibertsitateek. EROSKI CONSUMERen arabera, master ofizialen alorrean eskaintza oso zabala dago Euskal Herriko unibertsitateetan. EHUn 100 master inguru eskaintzen dira, Deustun eta Nafarroako Unibertsitatean 30, Nafarroako Unibertsitate Publikoan 20 inguru eta Mondragonen 10.

EROSKI CONSUMERek presente izan du egungo egoera ekonomikoa ere, horregatik lehen urtearen kostuen bataz bestekoak argitaratu ditu. Unibertsitate batetik bestera, matrikula eta ikasturteko gastuak ordaintzerako orduan alde nahikotxo dagoela  azalduz. 

Kosturik merkeena daukan unibertsitatea EHU dela esango genuke, lehen urteko gastuaren bataz bestekoa 980€ izanik. EHUri jarraiki Nafarroako Unibertsitate Publikoa daukagu 1.049€tako ordainketarekin. Gainontzeko unibertsitateek ordea alde nabarmena ateratzen die unibertsitate hauei.  Mondragonen, lehen urteak 4.960€tako gastua suposatzen du bataz bestez, Deustuk  6.535€takoa etaNafarroako Unibertsitateak 8.244€takoa.

EROSKI CONSUMERek argitaratu duenez, Euskal Herriko unibertsitateek masifikaziorik gutxien dutenen artean jarraitzen dute

Maialen ZUAZUBISKAR

Euskal Herriko unibertsitateek masifikaziorik gutxien duten unibertsitateen artean jarraitzen dute EROSKI CONSUMERek  urtero legez argitaratu duen gidan ageri denez. Estatuan masifikazioren (irakasle bakoitzari zenbat ikasle dagozkion) bataz bestekoa, 12.4koa da eta Euskal Herriko Unibertsitatean berriz 7.9koa. Deustuko eta Mondragon Unibertsitateei dagokienez 7.2ko eta 7.8ko puntuaketa hurrenez hurren. Nafarroako Unibertsitateei dagokienez, publikoak 8.5 puntuko ratioa dauka eta pribatuak 13koa.

Unibertsitateen Gida Praktikoa urtero eguneratzen den txosten bat da, EROSKI CONSUMERek osatua, gida hau www.universidades.consumer.es helbidean dago eskuragarri; beraiek datuak bildu eta hauek eguneratzea dute helburu. Gida honetan hainbat datu ageri dira: eskaintzen diren titulazio eta master ofizialak, matrikularen prezioa, gutxiengo nota, leku kopurua, irakasle taldea, ordenagailu aukera … Gainera, gida honetan unibertsitateen ezaugarriak ere ikusi ahalko dira.  

Ordenagailuen hornikuntzari dagokionez, EROSKI CONSUMERek egindako gidan ageri denez,  atal honetan unibertsitate pribatuek dute puntuaketarik onena. Hiru ikasleko ordenagailu bana eskaintzen dute Deustu eta Mondragon Unibertsitate pribatuek. Gainontzeko unibertsitateetan berriz, Euskal Herriko Unibertsitatean, Nafarroako Unibertsitatean eta Nafarroako Unibertsitate Publikoan 9 eta 12 ikaslerentzako ordenagailu bana dute. Gainera, ikasle kopuruari dagokionez, EHU da ikasle gehien dituen unibertsitatea eta gutxien dituena Mondragon unibertsitatea.

Bestalde, EHUk dauka master ofizialetan eskaintzarik hoberena; 100 master ofizial eskaintzen baititu. Beste unibertsitateek ez dituzte hainbeste master eskaintzen; Deustuko eta Nafarroako Unibertsitateek 30 master inguru eskaintzen dituzte, eta Nafarroako Unibertsitate Publikoak eta Mondragon Unibertsitateak 20 eta 10 hurrenez hurren.

Unibertsitateek bakarka koordinatzen dituzten masterrei dagokienez,  Espainiar Estatuan 2.564 master eskaintzen dira 76 unibertsitate ezberdinetan; bataz beste, unibertsitate publikoan 1.750 euro balioz. Unibertsitate-eskaintzarik handiena Kataluniako, Madrileko eta Andaluziako unibertsitateek dute; lehenengoetan 500 titulu baino gehiago eskaintzen dira eta azkenengoan berriz, 350. Aldiz, master ofizial gutxien eskaintzen dituzten unibertsitateak Gaztela Mantxako Unibertsitatea, Errioxako Unibertsitatea eta Errioxako Nazioarteko Unibertsitatea dira.  

11S Atentatu Terrorista

11S atentatu terroristari buruz hitz egingo dugu sarrera honetan. Horretarako Meograph programa erabili dugu eta bideo-istorio txiki bat antolatu dugu. Hona hemen esteka: MEOGRAPH 11S

Naiara Zurinaga

Maialen Zuazubiskar eta Ariane Sanchez

Jon Zabala Burgoa eta Mikel Santiso Urkiza

Olazabalen Europak Estatu Batuak garaitu ditu aurtengo Ryder Cup-ean

 

Jose Maria Olazabalen kapitaintzapean Europak 14,5-13,5 irabazi du Ryder Cup txapelketa  AEB aurkari dutela. Olazabalek berak 1987,1989,1997 eta 2006an irabazi zuen txapelketa bera jokalari gisa. Pronostiko guztien kontra lortu du garaipena Europak Chicagon jokatu den Ryder Cup-ean.

Faboritoak Estatu Batuarrak izan diren arren, azkenean Europa gailendu egin da. Olazabalek ezin izan zuen irabazi osteko emozioa ezkutatu, eta honela, Severiano Ballesteros zendutako golfariari eskaini zion garaipena

Lehen hezkuntzako 3. Mailako ikasleek Kubara egingo dute ikas-bidaia datorren otsailean

“Zertarako kolore bakarra margotu al bada ostadarra?” lelopean abiatuko dira Irakaskuntza-eskolako 33 ikasle Habana eta Varaderora

            ZURINAGA Naiara

Hilabete gutxi falta dira magisteritzako ikasleak Kuba aldera abiatu daitezen. Iraia Inuntziagak, bidaian doan ikasleetako batek, jakinarazi duenez, lehen astea Habanan emango dute eta gainontzeko egunak Varaderon 

Inuntziaga ikasle igorreztarrak adierazi duen moduan “ideia soil” gisara hasi zen duela hilabete batzuk bidai hau egiteko asmoa; baina jada badituzte kamisetak metxeroak eta boligrafoak euren leloa idatzirik eta saltzeko prest. “Dena ondo badoa”, “zertarako kolore bakarra margotu ahal bada ostadarra” leloari esker, azkenean irteera egitea lortuko dutela jakinarazi du igorreztarrak.

Bidaia nahiko “konpletoa” dela adierazi du Inuntziagak: “katamaranez ibiltzeko aukera izango dugu eta baita Varaderotik gertu dagoen  irla betako festa batera joateko ere”

Ikasle bakoitzak 1000€ inguru ordaindu beharko du bidaia, eta beraz, diru laguntzak lortzea ere ezinbestekoa dela jakinarazi du Iraia Inuntziagak. Horretarako kamisetak metxeroak eta boligrafoak ez-ezik, bokadilo eta edariak salduko dituzte atsedenaldietan euren fakultatean.

Hala ere, ikas bidaiako data oraindik ez dute oso argi. “Idazkaritzan baimena eskatzea falta zaigu eta azterketak noiz diren jakitea” gehitu du Igorreko ikasleak. Orduan dena prest izango dute bidaian joateko.

Berdinsareak Beldur Barik lehiaketaren hirugarren edizioa antolatu du

Maialen ZUAZUBISKAR

Berdintasunaren aldeko eta Emakumeen aurkako Indarkeriaren aurkako Euskal Udalerrien sareak Beldur Barik lehiaketaren hirugarren edizioa ospatuko du azaroaren 24an. Lehiaketa honetan,  Euskal Autonomia Erkidegoko 12 eta 26 urte arteko neska-mutilek parte hartu ahal izango dute.

Parte hartzaileek bakarka, taldeka edo ikastetxeka parte hartu ahal izango dute eta proiektuak euskaraz, gazteleraz edo beste hizkuntza batean aurkeztu ahal izango dira. Lanak, ikus-entzunezko formatuan aurkeztu behar dira, bideo plataforma baten esteka jarriz (Youtube, Vimeo …) . Antolatzaileek gehien baloratuko dutena ezta ikus-entzunezkoaren kalitate teknikoa izango baizik eta mezuaren kalitatea.

Lehiaketa honek emakumeen eta gizonen arteko berdintasuna, errespetua eta askatasuna bultzatzea du helburu. Aurkeztutako proiektuek  emakumeen aurkako indarkeria mota guztiak gainditzeko konpromisoa erakutsi behar dute. Adibidez: feminismoa, eraso sexistak eta autodefentsa, sexu aniztasuna …

Topaketa hauen antolatzaile nagusia Berdinsarea da Eudelek bultzatuta. Bestalde, babesle nagusiak Emakunde, Eusko Jaurlaritza, Araba, Bizkaia eta Gipuzkoako Foru aldundia, Euskal Herriko Unibertsitatea eta EITB dira.

Aparkaleku berriaren eraikuntzak mugikortasun arazoak sortu ditu Leioako EHUn

Jon ZABALA BURGOA

Mugikortasun arazoak sortu dituzte Euskal Herriko Unibertsitateko Bizkaiko Kanpuseko aparkaleku berriaren obrek. Obra hauek burutzeko aparkaleku bat kendu behar izan da eta ordezko bat jarri da errepidearen beste aldean. Autoa aparkatu ondoren jendeak errepidea auto artetik zeharkatzen du, horretarako dagoen zubia erabili gabe. Horren aurrean EHUko Bizkaiko Kanpuseko errektoreorde Carmelo Garitaonandiak mezu bat argitaratu du zubia erabiltzearen garrantzia azpimarratuz.

Obrak duela bi hilabete hasi ziren, Odontologia eta Medikuntza fakultateen aurrean. Bertan 1.200 aparkaleku, autobusentzat 20 nasa eta aterpea eraikiko dira. “Arren eskatzen dizuet erabiltzeko oinezkoen zubia eta bidea biribilgunea zeharkatzeko”, esan du Garitaonandiak. Horrez gain aparkaleku berriaren eraikuntzak eragin ditzazkeen eragozpenak “ulertzen” dituela baina obrak bukatzean “guztiontzat onura” ekarriko duela esan du. 

Ikasle askok kexak agertu dituzte obra berri hauen aurrean. Ander Badiola markinarraren esanetan, “plan estrategiko bat beharrezkoa da mugikortasun arazoak konpontzeko”. Horrez gain, bere iritzia eman du arratsaldeetan kanpusari ematen zaion erabilerari buruz. “Klaseak arratsaldez ematea ez da bidea nire ustez, horrek errendimendua jaisten baitu”, adierazi du Badiolak. Obrak 2013ko irailerako bukatzea espero da.